NIB परियोजना सम्बन्धमा छलफल

NIB परियोजना सम्बन्धमा छलफल मिति २०८१ साल चैत्र १३ गते बुधबार नेउवा महासंघ प्रदेश सचिवालयमा UK Nepal – Nepal In Business (NIB) परियोजना सम्बन्धमा सम्बन्धित पक्ष तथा उद्योगी व्यवसायीहरूसँग छलफल सम्पन्न गरियो । प्रदेश अध्यक्ष श्री कृष्णप्रसाद शर्माज्यूको अध्यक्षतामा एवं नेउवा महासंघको पूर्व अध्यक्ष भवानी राणाज्यूको विशेष उपस्थितिमा सम्पन्न उक्त कार्यक्रम अध्यक्षज्यूले बेलायती राष्ट्रबाट NIB को रूपमा प्राप्त हुने प्राविधिक तथा आर्थिक अनुदानलाई प्रयोग गर्नका लागि अग्रसर हुन अनुरोध गर्नुभएको थियो । उक्त परियोजनाबाट लुम्बिनी प्रदेशमा ठूलो मात्रामा लगानी र रोजगारी सिर्जना गर्न सकिने भएकाले महासंघको परियोजनाको लागि सहयोग र समन्वय रहने विचार व्यक्त गर्नुभएको थियो । NIB परियोजनामा निर्देशक रतिस बस्नेत तथा मिलन जोशीले मिलन जोशीले परियोजनाबाट अनुदान प्राप्त गर्न पालना गर्नुपर्ने बुँदाहरूबारे बताउनुभएको थियो। कार्यकारी निर्देशक आनन्द खनालको सञ्चालनमा सम्पन्न उक्त कार्यक्रम मा महासंघका पूर्व अध्यक्ष किशोर प्रधान कार्यकारणी सदस्य केशव भण्डारी ,आनन्द वझा एसोसिएट उपाध्यक्ष कुलप्रसाद न्यौपाने लगायतका विभिन्न उद्योग वाणिज्य संघका अध्यक्ष पदाधिकारी एवं उद्योगी व्यवसायीहरूको सहभागिता रहेको थियो।